La chaça volanta, qu’es aquò ?

« La chaça volanta, quand passa, que fai lede ! » ço-disià una femna d’en per aici, vielha coma chamins…

La chaça volanta, l’auviretz la nuech, menada per son venaire, lo diable mai son tren, montat sus de chavaus miraudios coma de creaturas ennivoladas.

O ben lo matin, si vesetz per cas vòstra luserniera tota boludrada, si es ben que la chaça volanta li es passada dins la nuech. « Minja daus crestians, jusqu’inza aus enfants » escrivià lo bon doctor Margontier dins sa famosa Chançon de Muratel.

Aqueu legendari es mòrt, de segur, es quitament bon per amusar los goiassons mai far sonrire los esperits cartesians. Mas nòstres reires li cresian. La chaça volanta passava dessus vòstra teulada e li avià brin de socors si de non en tot guspilhar d’aiga beneita la maison.

Qu’est-ce que la chasse volante ?

« La chasse volante, lorsqu’elle passe, comme elle fait vilain ! » disait une femme de par là, vieille comme les chemins…

La chasse volante, vous l’entendrez la nuit, menée par son veneur, le diable et son train, avec ses chevaux fantastiques montés par des créatures noyées dans les nuages.

Ou bien le matin, si vous découvrez votre carré de luzerne tout roulé et couché, la cause en est certainement due au passage de la chasse volante durant la nuit. « Elle mange des chrétiens, jusqu’aux bons enfants » écrivait le bon docteur Margontier dans sa fameuse Chanson de Muratel.

Ce légendaire diabolique est mort, pour sûr, il est bon pour amuser les enfants et faire sourire les esprits cartésiens. Mais nos ancêtres y croyaient. La chasse volante passait au-dessus de votre toit et il n’y avait pas d’autre secours pour s’en préserver que d’asperger d’eau bénite la maison.